19 лютага вучні 7-х класаў наведалі музей ДУА “Сярэдняя школа №5 г. Слоніма”. Тут прадстаўлены чатыры асноўныя экспазіцыі: “Трагедыя 41-га”, “Акупацыя Слонімскага краю”, “Вызваленне” і апошняя прысвечана Афганістану. Рэалістычныя інсталяцыі, фотаздымкі ваенных гадоў, унікальныя экспанаты і непаўторная атмасфера дазволілі навучэнцам перанесціся ў мінулае, дапамаглі лепш зразумець, што адчувалі нашы землякі, калі навокал свісталі кулі, ірваліся снарады. З захапленнем сямікласнікі слухалі загадчыка музея Саўчанку Сяргея Андрэевіча, які адкрыў для іх невядомыя старонкі сваёй малой радзімы, расказаў пра мужнасць і стойкасць нашых абаронцаў.
